Admin
Admin
عدد الرسائل : 121
تاريخ التسجيل : 29/07/2008
 | | موضوع: هذا رأي الشاعر عبدالرحمن رفيع في بنات 2004 الأربعاء يوليو 30, 2008 12:33 pm | |
|
بعد غيابي عنكم لاكثر من شهر
رجعت لكم بهذه المشاركة والسموحة قبل كل شي
...............................................
هذا راي الشاعر عبد الرحمن رفيع في بنات 2004
هذا زمان المسخرة هذا زمان المسخرة
جوال ومشيه بفشخره في وسط السوق متبخترة
والكحله في وسط العيون والشفايف زود محمرة
والصدر تتعمد تفكه تخليه مفتوح ما تزرره
هذا زمان المسخرة هذا زمان المسخرة
لو يسألها ذاك الفقير وين انتي رايحه يامره
جاه الجواب يبهدله وتقول كلام بيقهره
باروح السوق ابشتري فستان للحفلة المزهرة
وتروح الصالة كنها عروس مزينه ومعدله ومعطرة
وما ترجع إلا في الصباح وتشيل الزينة الساحرة
هذا زمان المسخرة هذا زمان المسخرة
آخر الشهر تقبض الراتب وتروح المجمع وتبعثره
وتعير ذاك الفقير لو إني مثل غيري ما عشت واياك محسره
شوف فلانة وشوف علانه عايشين عيشه ميسره
فله جميلة وسياره كشخه ما هو مثلك تركبني سياره مكسره
هذا زمان المسخرة هذا زمان المسخرة
لين استلمت ذاك التلفون تبمبع مثل البقرة
واتحش في الناس هذا طويل وهذا قصير وحكيها كله مسخره
وفلانه اليوم مطلقه وفلان ماتت له مره
وكلامها أصلا ماله أساس بس هذره فاضيه وبربره
والوقت يسرع والهاتف يحسب أمواله تروح مهدره
هذا زمان المسخرة هذا زمان المسخرة
الله يرحم ذاك الزمان الحرمة فيه مستره
كانت تجلس ويا الأذان وتصلي لله وتشــــــــــكره
وتدعي للناس الطيبين بنفس طيبه وطاهرة
هذا زمان المسخرة هذا زمان المسخرة
مو مثل بنات هذا الزمن تركب ويه الأجنبي بيدها روج ومنظره
وقصت الشعر أخر موديل كأنها ديك منفوش جناحه وعرعره
والعبايه تحطها على الكتف حتى الشعر ماتستره
ولو تقول لها هذا حرام قالت كلامك كله دندره
كلامك كله ما يعني لي شيء أني فتاه متطورة
لا يخدعونك باسم حضارة هالزمن آخرتها تالي المقبرة
وآخر كلامي بالصلاة على النبي واياه العترة الطاهرة
| |
|
بوسعد
العضو الكسول
عدد الرسائل : 7
تاريخ التسجيل : 30/07/2008
| | موضوع: رد: هذا رأي الشاعر عبدالرحمن رفيع في بنات 2004 الخميس يوليو 31, 2008 6:24 am | |
| يسلمووووووووووووووووووو والله خوش قصيده وننتظر الجديييد والابداع  | |
|
المبدع
.
عدد الرسائل : 167
العمر : 58
تاريخ التسجيل : 31/07/2008
| | موضوع: رد: هذا رأي الشاعر عبدالرحمن رفيع في بنات 2004 الجمعة أغسطس 01, 2008 1:19 am | |
| الشاعر عبدالرحمن رفيع قصايده توسع الصدر
مشكور ادمن الله يعطيك العافية | |
|
